Tyen'enmén aniliri ochuq xet yézip 4- iyun weqesining heqiqi mahiyitini échip bérishni muraji'et qildi

Xitayning memliketlik xelq qurultiyi we memliketlik siyasiy kéngesh yighini échilish harpisida, 1989 yili 4- iyun tyen'enmén weqeside zawal tapqanlarning a'ile- tawabi'atliri bu weqening heqiqi mahiyitini échip bérish heqqide muraji'et name yollidi.

Mulahizichilerning qarishiche, 4- iyun weqesini qandaq bir terep qilish xitayning démokratiye derijisini ölcheydighan bir amil bolup, xitay siyasiti téxi u derijide erkin emes iken.

4-Iyun weqeside ziyankeshlikke uchrighuchilarning a'ile tawabi'atliri bolghan "tyen'enmén aniliri" teshkilati, xitayning xelq qurultiyi we memliketlik siyasi kéngishge, xitay re'isi xu jintaw, xitay bash ministiri wén jyabaw we béyjingdiki rehberlerge ochuq xet yollap, ularni bu weqening heqiqi mahiyitini ashkarilashqa qistidi.

1989 Yili aprélda, démokratiyini yaqlaydighan ilghar ziyaliylar we aliy mektep oqughuchiliri béyjingdiki tyen'enmén meydanigha yighilip xitaydin söz-pikir erkinliki we siyasiy erkinlik telep qilip namayish qilghan we achliq élan qilghan idi. Emma, xitay rehberliri herbiy halet yürgüzüp nurghunlighan bigunah ademlerni we oqughuchilarni étip öltürgen. (Jüme)