Хитай һөкүмити тйәнәнмин мәйданидики бихәтәрлик тәдбирлирини күчәйтти


2005-01-13
Share

Хитай һөкүмити һәр күни әтигән тйәнәнмин мәйданиға миң нәпәр сақчи хадимини орунлаштуруп, зиярәтчиләрниң байрақ чиқириш мурасимиға қатнишишини күзитишкә башлиди.

Ройтирс агентлиқиниң хәвиригә қариғанда, хитай һөкүмити бу бәлгилимә арқилиқ тйәнәнмин мәйданида таң сәһәрдә бирәр намайиш йүз беришиниң алдини елишқа урунған болиши мумкин. Хитайниң йеңи бәлгилимиси бойичә, һәр күни әтигән байрақ чиқириш мурасимиға кәлгән зиярәтчиләр гуруппиларға бөлүнүп, хитай сақчилириниң йетәкчиликидә тйәнәнмин мәйданиға киридикән.

Хитай һөкүмити чаршәнбә күнидин башлап бу йеңи бихәтәрлик тәдбирини қолланған болуп, буниң алдида, хитай компартийисиниң сабиқ рәһбири җав зияңниң кеслиниң еғир икәнлики һәққидә хәвәр тарқалған иди. Җаң зияң 1989 - йилидики тйәнәнмин оқуғучилар һәрикитини қанлиқ бастурушқа қарши чиққанлиқи үчүн вәзиписидин елинип, 15 йилдин буян өйидә нәзәрбәнт астиға елинған.

Анализчиларниң көрситишичә, җавзияң хитайдики ислаһатчилар чоқунидиған бир затқа айланған. Шоңа хитай һөкүмити навада у өлүп кәтсә, кишиләрниң тйәнәнмин мәйданида кәң - көләмдә намайиш вә тәзийә билдүрүш паалийәтлирини елип беришидин әндишә қилмақта икән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт