Xitay hökümiti tyen'enmin meydanidiki bixeterlik tedbirlirini kücheytti


2005-01-13
Share

Xitay hökümiti her küni etigen tyen'enmin meydanigha ming neper saqchi xadimini orunlashturup, ziyaretchilerning bayraq chiqirish murasimigha qatnishishini küzitishke bashlidi.

Roytirs agéntliqining xewirige qarighanda, xitay hökümiti bu belgilime arqiliq tyen'enmin meydanida tang seherde birer namayish yüz bérishining aldini élishqa urun'ghan bolishi mumkin. Xitayning yéngi belgilimisi boyiche, her küni etigen bayraq chiqirish murasimigha kelgen ziyaretchiler guruppilargha bölünüp, xitay saqchilirining yétekchilikide tyen'enmin meydanigha kiridiken.

Xitay hökümiti charshenbe künidin bashlap bu yéngi bixeterlik tedbirini qollan'ghan bolup, buning aldida, xitay kompartiyisining sabiq rehbiri jaw ziyangning késlining éghir ikenliki heqqide xewer tarqalghan idi. Jang ziyang 1989 - yilidiki tyen'enmin oqughuchilar herikitini qanliq basturushqa qarshi chiqqanliqi üchün wezipisidin élinip, 15 yildin buyan öyide nezerbent astigha élin'ghan.

Analizchilarning körsitishiche, jawziyang xitaydiki islahatchilar choqunidighan bir zatqa aylan'ghan. Shonga xitay hökümiti nawada u ölüp ketse, kishilerning tyen'enmin meydanida keng - kölemde namayish we teziye bildürüsh pa'aliyetlirini élip bérishidin endishe qilmaqta iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet