Xongkongda tyen'enmén weqeside ölgenlerge matem bildürüsh yighilishi ötküzüldi


2007.05.27

Yekshenbe küni xongkong sheher merkizide 1500 din artuq adem 1989-yildiki tyen'enmén weqesining 18 yilliqi munasiwiti bilen xitay merkiziy hökümitidin tyen'enmén weqesini aqlashni telep qilip naraziliq namayishi ötküzdi.

Xewerlerge qarighanda xongkongdiki bu namayish 6-ayning 4-küni ötküzülidighan keng kölemlik xatirilesh pa'aliyitining harpisi süpitide toghrilan'ghan bolup, en'gliye b b s agéntliqining xongkongdin tarqatqan uchurlirigha asaslan'ghanda, namayishchilar 1989-yili 4-iyun küni xitay azadliq armiyisi teripidin oqqa tutulup öltürülgen oqughuchilargha matem bildürgen.

Namayishchilar bir béyjingperes qanun palata ezasining tyen'enmén weqesi heqqidiki xitay hökümiti terepte turup, azadliq armiyisining oqughuchilargha oq chiqarghanliqini inkar qilip éytqan sözige naraziliq bildürgen. Mali isimlik bu kishining sözi xongkongliqlarning naraziliqini qozghighan.

Xongkong xelqi 18 yilidin buyan her yili 4-iyunda weqede ölgenlerge teziye bildürüp, sham yéqish pa'aliyiti ötküzüsh arqiliq béyjing da'irilirige bolghan naraziliqlirini ipadilep kelmekte. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.