Xitay toqumichiliq éksport malliridin alidighan bajni köpeytti


2004.12.13

Amérika bilen yawropa birlikining xitay erzan mallirigha bolghan bésimi astida, xitay toqumichiliq éksport malliridin alidighan bajni ashurush arqiliq bezi toqumichiliq mallirining éksportini chekleshke mejbur boldi.

Amérika birleshme axbarat agéntliqining xewirige qarighanda, xitay soda ministirliqi bu charining kéler yili 1 - ayning 1 - künidin bashlap yolgha qoyilidighanliqini bildürdi. Emma bajning qanchilik derijide östürilidighanliqini we buning qaysi toqumichiliq mallirigha qaritilghanliqini tepsiliy chüshendürmidi.

Dunya soda teshkilati kélishimige asasen, xitayning toqumichiliq malliri we kiyim-kécheklirige qoyulghan san jehettiki cheklimisi kéler yili -1aydin bashlap emeldin qalidighan bolup, amérika we yawropa birliki bu sewebtin xitay mallirining dölitige cheklimisiz halda köp miqdarda tökme qilinishidin endishe qilmaqta.

Xitayning erzan malliri nöwette nurghun döletlerge tehdit boliwatqan bolup, xitay bu jehette xelq'araning bésimigha uchrimaqta. (Peride)

© 2004 Radio Free Asia

Munasiwetlik maqalilar

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.