Xitay hökümiti amérikining xitay mallirigha qoyghan yéngi cheklimilerge naraziliq bildürdi


2005.07.24
Share on WhatsApp
Share on WhatsApp

Xitay hökümiti shenbe küni amérika hökümitining xitay toqumichiliq mehsulatlirigha qarshi yolgha qoyghan yéngi cheklimilirige naraziliq bildürdi. Xitay hökümiti téxi jüme küni amérikining qattiq bésimi sewebidin xitay pulining qimmitini töwenletken idi.

Xitay soda minsitirliqining bayanatchisi chung chüen, mezkur ministirliqining torbitide élan qilghan bayanatida, xitay hökümiti, amérikining xitaydin import qilinidighan yung kiyim - kicheklerge cheklime qoyush qararigha qet'iy qarshi turidu, dédi.

Chung chüenning éytishiche, amérika hökümiti teripidin yolgha qoyulushi pilanlan'ghan yéngi cheklimiler erkin soda qa'idilirige xilap iken. U, xitay hökümitining bu mesilsini dunya soda teshkilatigha élip bérishi mumkinliqini bildürdi.

Amérika hökümiti alliqachan xitaydin import qilinidighan 7 türlük toqumichiliq buyumlirigha qaytidin cheklime qoyghan idi. Fransiye agéntliqining xewer qilishiche, bu cheklimiler, birinchi yanwar küni xelq'arada toqumichiliq mehsulatliri üstidiki cheklimiler bikar qilin'ghandin kéyin shundaqla, peyshenbe küni amérika hökümiti xitay hökümitining xitay pulining qimmitini qaytidin közdin kechürüsh qararini qarshi alidighanliqini jakarlishidin bir kün kéyin yolgha qoyulghan.

Xewerlerge qarighanda, xitay pulining qimmitidiki özgirish, xitay towarlirining gherb döletliri baziridiki bahasini yuqiri kötürüwétishti we uzun muddette, xitay toqumichiliq mehsulatlirining gherb döletliri bazarlirigha éqishini azaytishi mumkin iken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.