Xitay bilen amérikining toqumichiliq malliri heqqidiki söhbiti netijisiz axirlashti
2005.09.01
Xitay bilen amérika otturisidiki bir nechche kündin buyan élip bériliwatqan toqumichiliq malliri heqqidiki söhbet netijisiz axirlashqandin kéyin, amérika hökümiti peyshenbe küni, xitayning yene ikki xil türdiki toqumichiliq import mallirigha cheklime qoydi.
Amérika soda ministirliqining bayanatchisi lonnard bu xewerning, amérika hökümitining soda kélishimini yol qoyushtiki iradisini körsitidighanliqini hemde hökümetning, amérika sana'itini bazarda oxshash orun'gha ige qilghuzushni oylaydighanliqini eskertti.
U yene, "xitay toqumichiliq malliri importining éshishi, amérika toqumichiliq sana'itige éghir ziyan saldi. Hetta bu ehwal buningdin kéyin téximu yamanlishishi mumkin" dep bildürdi.
Amérika hökümiti gerche , köp qétim xitay da'irilirige ékisport qilidighan toqumichiliq mallirigha cheklime qoyush heqqide bésim ishletken bolsimu, lékin xitay hökümiti buni arqigha tartip keldi. Amérika cheklime qoyghan bu ikki türdiki xitay import malliri bolsa, yipliq rext we ich kiyimler iken. (Peride)
Munasiwetlik maqalilar
- Yawropa ittipaqi bilen xitay toqumichiliq malliri üstide söhbet bashlidi
- Amérika bilen xitay soda majrasi mesiliside yéngi söhbet bashlidi
- Xitayning yawropagha chiqiridighan toqumichiliq mallirining yilliq chéki toshti
- Xitay hökümiti amérikining xitay mallirigha qoyghan yéngi cheklimilerge naraziliq bildürdi
- Yawropa ittipaqi bilen xitay toqulma mehsulatlar mesiliside kélishim hasil qildi