Xitay jenubiy afriqigha ékisport qilidighan toqumichiliq mehsulatlirini qisqartidighanliqini bildürdi


2006.06.22
Share on WhatsApp
Share on WhatsApp

Xitay jenubiy afriqigha ékisport qilidighan toqumichiliq mehsulatlirini qisqartidighanliqini bildürdi. Xitay bash ministiri wén jyabaw charshenbe küni , afriqa döletliride élip barghan ziyarritining axirqi békiti kép tawn shehiride bu qararni élan qildi.

Amérika birleshme agéntliqi wén jyabawning muxbirlargha qilghan sözini neqil keltürüp": junggo , jenubiy afriqining toqumichiliq bazirining muqimliqi üchün , mushu xil yolni tallashqa razi " dédi.

Jenubiy afriqa ishchilar uyushmisi , xitayning erzan bahaliq kéyim - kécheklirining köpliki sewebidin , jenubiy afriqining toqumchiliq sahesi kasatliship, köpligen ishchilarning ishsizliqigha duch kelgenlikini bildürmekte. Jenubiy afriqa prizidénti mukibiy xelqning bésimi astida xitay terepke, soda tengpungsizliqi mesilisini otturigha qoyushqa mejbur bolghan.

Xewerlerge qarighanda, ötken 10 yil ichide jenubiy afriqining toqumichiliq kespi boyiche ishsz qalghan ishchilar sani 100 minggha yetken.

Wén jyabaw peyshenbe küni, jenubiy afriqining soda rehberliri bilen uchrashqandin sirt, jenubiy afriqa bilen xeliq igiliki yadro téxnikisi qatarliq türler boyichimu kélishim tüzeydiken. Jenubiy afriqa xitayning afriqa qit'esidiki eng chong soda shériki hésablinidu.

Wén jyabaw, bu qétim afriqa qit'eside élip barghan ziyaritide misir , gana , kon'go we an'gola qatarliq dölerlerni ziyaret qildi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.