Гуаңдуңда сақчилар билән йәрликләр арисида туқунуш йүз бәрди


2004.08.23
Share on WhatsApp
Share on WhatsApp

Гуаңдуң өлкисиниң шәнвей шәһиригә қарашлиқ бир йезисидики йәрлик деһқанлар билән сақчилар арисида қанлиқ тоқунуш йүз бәрди. Хоңкоң "қуяш гезити" ниң хәвиридин мәлум болишичә, тоқунуш йәрлик деһқанларниң һөкүмәт әмәлдарлириниң терилғу йәрлирини қайтурувелиш сиясәтлиригә нарази болғанлиқи сәвәбидин келип чиққан.

Гуаңдуң җуң шиюйүән йезидисики деһқанлар һөкүмәт даирилириниң төт йил авал интайин аз төләм пули билән терилғу йәрлирини тартивалғанлиқиға нарази болған һәмдә йезилиқ һөкүмәт әмәлдарлириниң уларниң пуллириға хиянәт қилғанлиқидин гуманланған. Бу сәвәбтин улар көп қетим алақидар тармақларға әрз сунған вә қаршилиқ намайишлирини елип барған болсиму, бирақ мәсилиси һәл болмиған. Нурғун әрз сунған деһқанлар һәтта сақчилар тәрипидин тутуп кетилгән.

Йәкшәнбә күни әтигәндә 20 нәччә сақчи йезиға келип деһқанларни әрз сунушқа тәшкиллигән икки кишини тутмақчи болғинида, нәччә йүз деһқанлар уларни қоршавға алған. Бу арида сақчи машиниси қоршавни йерип чиқмақчи болуп, бир нәччә деһқанни соқивәткән. Ғәзәпләнгән деһқанлар сақчилар билән 20 нәччә саәттәк тоқунушқан. Нәтиҗидә, шәнвей шәһәрлик һөкүмәт даирилири адәм әвәтип, деһқанлар билән сөһбәт өткүзгән һәмдә деһқанларниң йәрлик парихор әмәлдарларниң мәсилисини тәкшүрүш, илгири қолға елинған алтә деһқанни қоюп бериш,вәқәдә яриланғанларниң давалиниш һәққини төләш қатарлиқ тәләплиригә қошулған. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.