Хитайниң әнхуй өлкисидики бир сақчи понкити пуқраларниң һуҗумиға учриди


2005-06-27
Share

Хитайниң әнхуй өлкисидики чиҗов районида нәччә миң пуқраниң шу җайдики бир сақчи понкитиға һуҗум қилиш вәқәси йүз бәрди. Вәқә бу районда йүз бәргән бир қатнаш һадисисидин келип чиққан.

Франсийә ахбарат агентлиқиниң хәвәр қилишичә, вәқә йәкшәнбә күни чүштин кейин башланған болуп, таки дүшәнбә күни сәһәргичә давам қилған. Намайишчилар сақчи понкити алдида поҗаңза атқан шундақла сақчиларни таш боранға тутқан.

Хәвәрләргә қариғанда вәқә бир шәхси машининиң бир йолучини соқуветишидин келип чиққан болуп, машина игисиниң муштумзорлиқиға чидимиған пуқралар, шопур вә униң машинисини әтраптики сақчи понкитиға елип барғандин кейин, тәртип сақлашқа урунған сақчилар билән тоқунушуп қалған. Даирләр 700 дин артуқ сақчини сәпәрвәр қилип, тәртипни шу кечә саәт 11 дин кейин аран әслигә кәлтүрәлигән. Бу җәрянда 6 сақчи яриланған.

Франсийә ахбарат агентлиқи, сақчи понкитини қоршивалған намайишчиларниң 10 миңдин ашидиғанлиқини билдүрди.

Көзәткүчиләрниң тәкитлишичә, иҗтимаий адаләтсизлик, бай - кәмбәғәлләр пәрқиниң чоңийиши қатарлиқ амиллар хитайда кәң көләмдики исян йүз бериш еһтимали һәр вақит мәвҗуткән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт