Xitayning enxuy ölkisidiki bir saqchi ponkiti puqralarning hujumigha uchridi


2005.06.27
Share on WhatsApp
Share on WhatsApp

Xitayning enxuy ölkisidiki chijow rayonida nechche ming puqraning shu jaydiki bir saqchi ponkitigha hujum qilish weqesi yüz berdi. Weqe bu rayonda yüz bergen bir qatnash hadisisidin kélip chiqqan.

Fransiye axbarat agéntliqining xewer qilishiche, weqe yekshenbe küni chüshtin kéyin bashlan'ghan bolup, taki düshenbe küni sehergiche dawam qilghan. Namayishchilar saqchi ponkiti aldida pojangza atqan shundaqla saqchilarni tash boran'gha tutqan.

Xewerlerge qarighanda weqe bir shexsi mashinining bir yoluchini soquwétishidin kélip chiqqan bolup, mashina igisining mushtumzorliqigha chidimighan puqralar, shopur we uning mashinisini etraptiki saqchi ponkitigha élip barghandin kéyin, tertip saqlashqa urun'ghan saqchilar bilen toqunushup qalghan. Da'irler 700 din artuq saqchini seperwer qilip, tertipni shu kéche sa'et 11 din kéyin aran eslige keltüreligen. Bu jeryanda 6 saqchi yarilan'ghan.

Fransiye axbarat agéntliqi, saqchi ponkitini qorshiwalghan namayishchilarning 10 mingdin ashidighanliqini bildürdi.

Közetküchilerning tekitlishiche, ijtima'iy adaletsizlik, bay - kembegheller perqining chongiyishi qatarliq amillar xitayda keng kölemdiki isyan yüz bérish éhtimali her waqit mewjutken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet