Enxuyde nechche ming kishi saqchilar bilen toqunushup qaldi


2005.06.29
Share on WhatsApp
Share on WhatsApp

Xitayning enxuy ölkisi chijow kentide yüz bergen bir qatnash majirasi sewebidin bu yerdiki nechche ming kishi saqchilarni urup, saqchi mashinilirini köydürüp tashlighan hemde saqchi idarisining dérize-eyneklirini chéqip, hetta etraptiki bir talla bazirini bulang-talang qilghan.

Amérika birleshme agéntliqining xewirige qarighanda, bu toqunushta 6 neper saqchi xadimi yarilan'ghan emma adem ölüsh ehwali körülmigen.

Bu qalaymiqanchiliq yekshenbe küni yüz bergen bolup, buning kélip chiqishidiki sewep, ammiwiy aptobustiki 4 yoluchi yolda kétiwatqan bir kishini urup yarilandurghandin kéyin, saqchilar bu 4 kishini soraqqa tartish üchün saqchi idarisigha élip ketken, emma ghezeplen'gen amma topliship saqchi idarisini qorshiwalghan hemde saqchilarning bu kishini tapshurup bérishini telep qilghan. Shundaqla netijide bu qalaymiqanchiliq yüz bergen.

Naraziliq bildürgen nechche ming amma saqchi mashinilirini örüp we uninggha ot qoyup tashlighandin sirt, saqchi idarisining tok yollirini késiwetken hemde ularni tosighan saqchilarni urghan.

Gerche xewerde, buninggha qatnashqan kishilerning éniq sani körsitilmisimu, emma bezi metbu'atlarda buning 10 minggha yétidighanliqini bildürgen. Shundaqla hazir bu qalaymiqanchiliq peseytilgen bolup, buninggha chétilghan 10 kishi qolgha élin'ghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet