Хитайда, көмүр кан ишчилири билән сақчилар арисида тоқунуш йүз бәрди


2005-08-22
Share

Бейҗиң һөкүмитиниң, хитайниң җәнубий районида қанунсиз паалийәт елип бериватқан көмүр канларни партлитиш арқилиқ пүтүнләй тақаш һәрикити, көмүр кан ишчилири билән сақчилар оттурисида тоқунуш чиқишиға сәвәб болмақта.

Франисйә агентлиқиниң бейҗиңдин хәвәр қилишичә, гваңдуң өлкисидики һөкүмәт әмәлдарлири, йеқинда бу йәрдә қанунсиз паалийәт елип бериватқан бир көмүр канда йүз бәргән вә 122 көмүр кан ишчисиниң өлүмини кәлтүрүп чиқарған вәқәдин кейин, бу өлкидики қанунсиз көмүр канларни пүтүнләй тақашни қарар қилған. Лекин уларниң бу һәрикити көмүр кан ишчилириниң қаттиқ қаршилиқиға учриған.

Хәвәрдә ейтилишичә, 8 - айниң 16 - күни лйәнҗу шәһиридә миң әтрапидики көмүр кан ишчиси вә йеза хәлқи сақчилар билән тоқунушқан. Шундақла шавгвән шәһири сиртида көмүр канға мәбләғ салған миңлиған район аһалиси һөкүмәтниң райондики көмүр канларни тақаш қарариға қарши наразилиқ намайиши өткүзгән.

Лйәнҗудики шичуң көмүр каниниң сабиқ ишчилириниң франсийә агентлиқиға билдүрүшичә, һөкүмәт әмәлдарлири алдин хәвәр қилмастин, көмүр канларни партлатқан болуп, бу һәрикәт райондики аһалә, көмүр кан ишчилири вә сақчилар оттурисида тоқунуш чиқишиға сәвәп болған. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт