Xitayda saqchilar bilen puqralar otturisida toqunushta bir ösmür qiz tayaq yep öldi


2006.01.17
Share on WhatsApp
Share on WhatsApp

Birleshme axbarat agéntliqining xewer qilishiche, xitayning gu'angdung ölkisi jungsen shehiridiki senjaw bazirida ötken shenbe küni yüz bergen saqchilar bilen puqralar otturisidiki toqunushta 13 yashlardiki bir qiz oqughuchi saqchilar teripidin urup öltürülgen.

Da'iriler ölgen qiz oqughuchining ata - anisigha 200 ming yüen xun puli töligen. Emma qizning ata - anisidin qizini yürek késili sewebidin öldi, dep élan qilishni telep qilghan.

Xongkongda chiqidighan " yultuzluq aral" gézitining xewer qilishiche, ölgen qizning jesidi düshenbe küni köydürüwétilgen. Saqchilar weqe yüz bergen senjaw bazirida tekshürüshni kücheytip, puqralarning qayta naraziliq herikiti qozghishidin saqlanmaqta.

Xitay tashqiy ishlar ministirliqi téxi yéqindila senjaw weqeside saqchilarning puqralarni tok kaltiki bilen urghanliqini ret qilghan idi. Yéqindin béri gu'angdungda hökümetke qarshi bir qatar weqeler yüz berdi. Ötken yili 12 - ayda gu'angdungning dungju rayonida puqralar bilen saqchilar otturisida toqunush yüz bérip, saqchilar namayishchilargha oq chiqarghan idi. Hökümet da'iriliri weqede 3 ademning ölgenlikini jakarlighan. Emma kishilik hoquq teshkilatliri ölgenlerning 30 din ashidighanliqini élan qildi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.