Xitayning chingdu shehiride ishchilar bilen saqchilar otturisida toqunush yüz berdi


2006.01.23
Share on WhatsApp
Share on WhatsApp

Xitayning chingdu shehiridiki 354 ‏- nomurluq herbiy karxanining sétilishigha qarshi naraziliq bildürgen fabrika ishchiliri bilen xitay saqchiliri otturisida yüz bergen toqunushta nurghunlighan ishchi yarilan'ghan.

Amérika birleshme agéntliqigha bildürüshiche, fabrika ishchilirining naraziliq herikiti 16 ‏- yanwar küni bashlinip üch kün dawamlashqan. Xewerlerge qarighanda, hökümet iqtisadiy krizisqa uchrighan karxanini sétishni qarar qilghan. Emma ishchilar hökümetning 300 milyon yü'en'ge erziydighan mezkur karxanini 80 milyon'gha sétish qararigha qarshi naraziliq herikiti teshkillep, fabrika mudirini karxanigha soliwalghan hemde ular fabrika idarichiliridin ishchilargha bérishke wede qilghan 200 milyon tölem pulini tölishini telep qilghan.

Naraziliq herikitige qatnashqan ishchilarning bildürüshiche, 16‏-yanwar küni 1300 etrapida xitay saqchisining fabrika mudirini qutquzush üchün karxanigha kélishi bilen saqchilar bilen ishchilar otturisida qanliq toqunush bashlan'ghan.Saqchilar, özlirini karxanigha kirgüzmigen ishchilarni tok kaltekliri bilen urghan.

Xitayda, hökümetke qarshi naraziliq heriketliri künséri köpeymekte. Xitay hökümitining yéqinda bergen melumatigha qarighanda, ötken yil xitayda 87000 qétim jama'et tertipini buzidighan weqe yüz bergen. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.