Йүннәндә сақчилар билән пуқралар оттурисида тоқунуш йүз бәрди


2006.02.08
Share on WhatsApp
Share on WhatsApp

Йеқинда йүннәнниң йүәняң наһийисида сақчилар билән пуқралар оттурисида тоқунуш йүз берип, сақчилар 5 кишини етип яриландурған. Уларниң арисида иккисиниң әһвали бир қәдәр еғир икән.

Әркин асия радиосиниң игилигән учуриға қариғанда, хитайниң баһар байриминиң 3‏- күни йүәняң наһийисидики 5 нәпәр сақчи хадими кочида кетиватқан 10 нәччә нәпәр яш бала билән җидәллишип қалғандин кейин, икки тәрәп соқушуп кәткән. Ахирида сақчиларға ярдәмлишишкә кәлгән йәнә бир сақчи хадими балиларға қаритип арқа-арқидин 7 пай оқ чиқарған.

Шундақла вәқә йүз бәргән йәргә йеқин җайда кетиватқан бир аялғиму 2 пай оқ тәгкән. Нөвәттә сақчи даирилири оқ чиқарған сақчини қолға алған һәмдә йәнә 5 нәпәр яшниму "сақчиларға һуҗум қилиш" җинайити билән қолға алған. Радиомизниң игилишичә, йәрлик мәтбуатларда бу һәқтә һечқандақ хәвәр берилмигән.

Хитайда сақчилар билән пуқралар оттурисидики тоқунуш көп йүз беридиған болуп, техи өткән йили 12‏-айда гуаңдуңниң дуңҗу кәнтидә сақчилар наразилиқ намайиши қилған нәччә миң пуқраға оқ чиқирип 30 нәччә кишиниң өлүшини кәлтүрүп чиқарған иди. Бу вәқә хәлқара җәмийәтниң күчлүк әйиблишигә учриди.(Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.