Yünnende saqchilar bilen puqralar otturisida toqunush yüz berdi


2006.02.08
Share on WhatsApp
Share on WhatsApp

Yéqinda yünnenning yüenyang nahiyisida saqchilar bilen puqralar otturisida toqunush yüz bérip, saqchilar 5 kishini étip yarilandurghan. Ularning arisida ikkisining ehwali bir qeder éghir iken.

Erkin asiya radi'osining igiligen uchurigha qarighanda, xitayning bahar bayrimining 3‏- küni yüenyang nahiyisidiki 5 neper saqchi xadimi kochida kétiwatqan 10 nechche neper yash bala bilen jidelliship qalghandin kéyin, ikki terep soqushup ketken. Axirida saqchilargha yardemlishishke kelgen yene bir saqchi xadimi balilargha qaritip arqa-arqidin 7 pay oq chiqarghan.

Shundaqla weqe yüz bergen yerge yéqin jayda kétiwatqan bir ayalghimu 2 pay oq tegken. Nöwette saqchi da'iriliri oq chiqarghan saqchini qolgha alghan hemde yene 5 neper yashnimu "saqchilargha hujum qilish" jinayiti bilen qolgha alghan. Radi'omizning igilishiche, yerlik metbu'atlarda bu heqte héchqandaq xewer bérilmigen.

Xitayda saqchilar bilen puqralar otturisidiki toqunush köp yüz béridighan bolup, téxi ötken yili 12‏-ayda gu'angdungning dungju kentide saqchilar naraziliq namayishi qilghan nechche ming puqragha oq chiqirip 30 nechche kishining ölüshini keltürüp chiqarghan idi. Bu weqe xelq'ara jem'iyetning küchlük eyiblishige uchridi.(Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.