گۇاڭدۇڭدا يەر ماجراسى سەۋەبىدىن دېھقانلار بىلەن ساقچىلار توقۇنۇشۇپ قالدى


2006.06.14
Share on WhatsApp
Share on WhatsApp

گۇاڭدۇڭ ئۆلكىسىدە 23‏- ئىيون كۈنى يەر داۋاسى قىلىۋاتقان نەچچە مىڭلىغان دېھقان ساقچىلار بىلەن توقۇنۇشۇپ قېلىپ، ئاز دېگەندە ئىككى كىشى يارىلانغان.

بۇ ماجراغا چېتىلغان شەنتې-خۈيشىڭ ئۆي-مۈلۈك تىجارىتى شىركىتىنىڭ ئامېرىكا بىرلەشمە ئاگېنتلىقىغا مەلۇم قىلىشىچە، نەچچە مىڭلىغان دېھقان بۇ شىركەتنىڭ ئۇلارنىڭ يەرلىرىنى سېتىۋالغانلىقى ئۈچۈن بەرگەن ھەققىغە نارازى بولۇپ نامايىش قىلغان ھەمدە مەزكۇر شىركەت قۇرۇلۇش قىلىۋاتقان جايلارنى ئۇرۇپ-چېقىشقا باشلىغان. نەتىجىدە دېھقانلار بۇ شىركەتنىڭ ئىككى نەپەر مۇھاپىزەتچىسىنى ئۇرۇپ يارىلاندۇرغان.

بۇ شىركەت مەسئۇلى دېھقانلار بىلەن بولغان تىجارەتنىڭ قانۇنلۇق ئېلىپ بېرىلغانلىقىنى تەكىتلىگەن بولسىمۇ، لېكىن دېھقانلارنىڭ يەر-زېمىنى ئۈچۈن زادى قانچىلىك ھەق بەرگەنلىكىنى ئېيتىشنى رەت قىلغان. خىتايدا بۇ خىل يەر ماجرالىرى كۈندىن-كۈنگە ئېغىرلىشىۋاتقان بولۇپ، كۆپۈنچە دېھقانلار يەر سودىگەرلىرىنىڭ يەرلىك ھۆكۈمەت رەھبەرلىرى بىلەن بىرلىشىپ، دېھقانلارنىڭ يەرلىرىنى ئەرزان باھادا سېتىۋالغانلىقىدىن زارلىنىدىكەن.

خىتاي ھۆكۈمىتىنىڭ 2005‏- يىلى دېكابىردا چىقارغان بىر دوكلاتىدا كۆرسىتىلىشىچە، ئۆتكەن يىلى 11 ئاينىڭ ئىچىدە ھۆكۈمەت ئەمەلدارلىرىنىڭ قانۇنسىز ھالدا ئىشلەتكەن ھۆكۈمەت پۇلىنىڭ سوممىسى 290 مىليارد يۈەن يەنى 36 مىليارد ئامېرىكا دوللىرىغا يەتكەن. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.