Гүйяңда нәччә йүз киши топилаң көтүрүп сақчилар билән тоқунушти


2006.07.12
Share on WhatsApp
Share on WhatsApp

Гуйҗуниң гүйяң шәһиридики нәччә йүз киши сақчиларниң бир кишини урғанлиқиға нарази болуп топилаң көтүргән һәмдә сақчи машинилирини уруп чаққан.

Франсийә ахбарат агентлиқиниң мәлум қилишичә, топилаң дүшәнбә күни йүз бәргән болуп, бу сақчиларниң гүйяңда вақитлиқ туруш рәсмийитини беҗирмигән бир кишини урғанлиқи сәвәбидин келип чиққан. Топилаңға 300 дәк киши қатнашқан һәмдә уларниң көпүнчиси деһқанлар вә көчмән ишчилар икән.

Сақчи даирилири топилаңни бесиқтуруш үчүн сақчи қисимлирини чиқарған. Шундақла икки тәрәп оттурисидики тоқунушта бир қисим кишиләр сақчилар тәрипидин уруп яриландурулған һәмдә нәччиси қолға елинған.

Хәвәрдә мәлум болишичә, ғәзәпләнгән бир қисим кишиләр сақчиларниң пулниң койиға чүшүп кәткәнликини вақитлиқ туруш рәсмийәтлирини чиңитиш вә беҗириш соммилирини өстүривелиш арқилиқ көчмән ишчиларға қәстән аваричилиқ туғдуриватқанлиқини әйиблиди.

Хитайда йеқинқи йиллардин буян мушуниңға охшаш хәлқ арисидики наразилиқ намайишлири көп көрүлгән болуп, өткән бир йилниң ичидила хитайда 87000 қетим хәлқ қаршилиқ һәрикити йүз бәргән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.