Xeynende kent ahaliliri bilen saqchilar otturisida toqunush yüz berdi
2006.07.16
Xitayning xeynen ölkisining fenkey yézisidiki yüzge yéqin kishi saqchilar bilen toqunushup, saqchi we yéza ahaliliridin bolup az dégende 60 qa yéqin kishi yarilan'ghan. Shundaqla saqchilar 40 tek kishini qolgha alghan.
Fransiye agéntliqining melum qilishiche, bu yézidiki ahaliler az sanliq milletler bolup, ular 7-ayning 4 -küni sirttin kelgen bir taksi shopurini ularning diniy murasimini buzghan dep eyiblep, uning mashinisini tartiwalghan. Taksi shopurining saqchi da'irlirigha xewer qilishi bilen, denjow sheherlik saqchi orunliri qoralliq bir türküm saqchini fenkey yézisigha ewetken.
Yéza ahalisi qollirida pichaq, toxmaq we chalma-késeklerni élip saqchilar bilen tutushqan. Her ikkila tereptin bolup, 60 qa yéqin kishi yarilan'ghan. Denjow sheherlik jama'et xewpsizlik idarisi saqchilargha mezkur yézidiki qalaymiqanchiliqni derhal bésiqturushni buyrighan. Netijide saqchi da'iriliri 40 nechche kishini qolgha alghan. Bularning tengdin tolisi ayallar iken.
12- Iyol küni saqchilar yene bu heriketke chétishliqi bolghan axirqi bir türkümdiki 17 kishini qolgha alghan. Adette xitayda saqchigha hujum qilghuchilargha qattiq jaza qollinidu. Xitayda mushu xildiki xelqning qarshiliq heriketliri yéqinqi yillardin buyan bir qeder köp köriliwatqan bolup,xitay da'irilirining statistikisigha qarighanda, ötken bir yil ichidila xitayda xelq naraziliq heriketliridin 87 ming qétim yüz bergen. (Peride)
Munasiwetlik maqalilar
- Güyyangda nechche yüz kishi topilang kötürüp saqchilar bilen toqunushti
- Xitay hökümti, dungjuda 19 kishi üstidin sot achti
- Gu'angdungda yer majrasi sewebidin déhqanlar bilen saqchilar toqunushup qaldi
- Kishilik hoquqni közitish teshkilati xitayni dungju weqesi üstidin tekshürüsh élip bérishqa chaqirdi
- Xitayning shentu shehiride yüz bergen saqchilar bilen puqralar arisidiki toqunushta bir adem öldi