Лявниңда сақчилар билән пуқралар арисида тоқунуш йүз бәрди

Хитайниң лявниң өлкиси лиңйүән шәһиридәнамайиш қилған 80 дин артуқ йеза пуқраси билән сақчилар арисида тоқунуш йүз берип, 3 адәм яриланди вә яридарлар дохтурханиға ятқузулди.

Хәвәрләргә қариғанда шу җайниң башлиқи, партийә ячийка секритари вә сақчи понкитиниң башлиқи хиянәтчилик сәтчиликигә четилип қелиш сәвәбидин хизмитидин йирақлаштурулуп тәкшүрүш астиға елинған. Бу йил 7 - айда лиңйүән шәһириниң вәнйүәндйән базиридики әмәлдарлар йеза пуқралириниң терилғу қошумчә ярдәм пулини қалаймиқан ишләткәнлики үчүн бу базардики пуқраларниң наразилиқини қозғиған вә намайишчилар билән сақчилар арисида йүз бәргән бу тоқунушни кәлтүрүп чиқарған. Даириләр лиңйүән базириға аманлиқ күчлирини йөткәп келип, 4 кишини қолға алди , 3 киши вақтинчә тутуп турулмақта. Бу вәқә хитай мәтбуатлирида хәвәр қилинмиди.

Хитай дөләт ишла ркабенти йеқинда һәр қайси мәтбуатларға уқтуруш тарқитип, аммивий намайиш вә тоқунушларни хәвәр қилмаслиқни тәләп қилған. Йеқинқи йиллардин бери хитайда мәмликәт бойичә аммивий намайишлар , болупму йеза пуқралириниң сақчилар билән тоқунушуп қелиш вәқәлири кәң көләмдә йүз бәрмәктә. Анализчилар, хитайда бай‏- кәмбәғәлләр пәрқиниң чоңийип кетиши бу хил тоқунушларниң өткүрлишип кетишигә сәвәбчи болмақта, дәп қариған. (Әркин)