Гуаңдуң өлкиси вә ләнҗу шәһәрлиридә амма билән сақчилар оттурисида тоқунуш йүз бәрди

Хитайда икки күндин бери, һөкүмәткә вә сақчиларға қарши наразилиқ һәрикәтләр арқа - арқидин йүз бәрди.

Франсийә агентлиқиниң бейҗиңдин бәргән хәвиригә қариғанда, сәйшәнбә күни, ләнҗу сода институтида оқуғучилар билән сақчилар оттурисида тоқунуш йүз берип, оқуғучилар сақчи машинилириға қаритип ботулка вә таш атқандин сирт, сақчи машинисини керәксиз һаләткә кәлтүргән. Вәқә бир қиз оқуғучиниң иссиқ су ишлитиши сәвәбидин мәйданға кәлгән болуп, сақчиларниң бу ишқа арилишиши нәтиҗисидә чоңийип кәткән.

Бу арида истансимиз йәнә, гуаңдуң шинхуй шатуй кәнт аһалиси билән сақчилар арисида җидәл чиқип, сақчиларниң яшанған аялларни ток калтәк билән урғанлиқи 4 кишиниң қолға елинғанлиқидин хәвәр тапти.

Хоңкоң симлиқ телевизийә истансисиниң хәвиригә қариғанда, бу вәқә кәнт һөкүмитиниң вәкиллирини сайлаш җәрянида йүз бәргән сахтилиққа наразилиқ билдүрүш сәвәбидин мәйданға кәлгән. Кәнт аһалиси хоңкоң мухбириға, сақчиларниң адәм уруп яриландурғандин сирт йәнә бир қанчә адәмни тутуп кәткәнликини билдүргән.

Нәччә йүзлигән кәнт аһалиси, кәнт һөкүмәт бинасини қоршавға елип, сахта сайламни бикар қилишни вә яриланғанларға төләм төләп беришни тәләп қилған.

Һазир, сақчиларниң, қолға алған 4 кишини қоюп бәргәнлики яки қоюп бәрмигәнлики һәққидә ениқ хәвәр йоқ икән. (Әқидә)