Gu'angdung ölkisi we lenju sheherliride amma bilen saqchilar otturisida toqunush yüz berdi
2006.09.14
Xitayda ikki kündin béri, hökümetke we saqchilargha qarshi naraziliq heriketler arqa - arqidin yüz berdi.
Fransiye agéntliqining béyjingdin bergen xewirige qarighanda, seyshenbe küni, lenju soda institutida oqughuchilar bilen saqchilar otturisida toqunush yüz bérip, oqughuchilar saqchi mashinilirigha qaritip botulka we tash atqandin sirt, saqchi mashinisini kéreksiz haletke keltürgen. Weqe bir qiz oqughuchining issiq su ishlitishi sewebidin meydan'gha kelgen bolup, saqchilarning bu ishqa arilishishi netijiside chongiyip ketken.
Bu arida istansimiz yene, gu'angdung shinxuy shatuy kent ahalisi bilen saqchilar arisida jidel chiqip, saqchilarning yashan'ghan ayallarni tok kaltek bilen urghanliqi 4 kishining qolgha élin'ghanliqidin xewer tapti.
Xongkong simliq téléwiziye istansisining xewirige qarighanda, bu weqe kent hökümitining wekillirini saylash jeryanida yüz bergen saxtiliqqa naraziliq bildürüsh sewebidin meydan'gha kelgen. Kent ahalisi xongkong muxbirigha, saqchilarning adem urup yarilandurghandin sirt yene bir qanche ademni tutup ketkenlikini bildürgen.
Nechche yüzligen kent ahalisi, kent hökümet binasini qorshawgha élip, saxta saylamni bikar qilishni we yarilan'ghanlargha tölem tölep bérishni telep qilghan.
Hazir, saqchilarning, qolgha alghan 4 kishini qoyup bergenliki yaki qoyup bermigenliki heqqide éniq xewer yoq iken. (Eqide)
Munasiwetlik maqalilar
- Lyawningda saqchilar bilen puqralar arisida toqunush yüz berdi
- Naraziliq bildürgen ishchilar xitay saqchiliri teripidin tutqun qilindi
- Xeynende kent ahaliliri bilen saqchilar otturisida toqunush yüz berdi
- Güyyangda nechche yüz kishi topilang kötürüp saqchilar bilen toqunushti
- Xitay hökümti, dungjuda 19 kishi üstidin sot achti