Ichki mongghulda 5 mingdin artuq xelq ammisi saqchilar bilen toqunushti


2007.06.14
Share on WhatsApp
Share on WhatsApp

Merkizi xongkongdiki kishilik hoquq we démokratiye uchur merkizining peyshenbe küni bildürüshiche, ichki mongghulning kökxot shehiride ötken hepte yüz bergen toqunushta az dégende 20 adem yarilan'ghan, 3 adem qolgha élin'ghan.

Xewerlerge qarighanda, ötken jüme küni, 5000 din artuq xelq ammisi nechche yüzligen xitay amanliq saqlash saqchiliri bilen toqunushqan bolup, weqe hökümetning ahalilerning yerlirini erzan bahada tartiwélishi sewebidin meydan'gha kelgen.

Ismini ashkarilashni xalimighan kökxot shehiridiki bir ahalining bildürüshiche, eslide her bir kwadrat métir yerning bahasi 3ming 500 yüen'ge toghra kélidighan bolup, hökümet ahalilerge aran 1ming 300 yüen bérishni békitken.

Xongkong kishilik hoquq we démokratiye uchur merkizi 6 ‏- ayning 8 ‏- küni yüz bergen toqunushning, texminen 500 ge yéqin saqchi we öy köchürüsh xadimlirining , kökxot shehiridiki bir rayonda yerlerni tüzlesh we yer da'irisini belgilesh xizmiti bashlinishi bilen kélip chiqqanliqini, 5000 din artuq ahalining tosqunluq qilishi netijiside ,toqunush yüz bérip 20 kishining yarilan'ghanliqini we 2 ayalning éghir zexmilen'genlikini bildürdi. Buningdin sirt xelq ammisi 3 saqchi mashinisini weyran qilghan bolup,buninggha munasiwetlik 3 kishi qolgha ilin'ghan.

Xitayning iqtisadiy tereqqiyati, nurghunlighan déhqanlarni yerlirini erzan bahada hökümetke tapshurushqa yaki köchüshke mejburlimaqta we buning bilen nahayiti chong naraziliqlar meydan'gha kelmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.