Чуңчиңда сақчилар билән амма оттурисида тоқунуш йүз бәрди

Йеқинда чуңчиңниң юқири пән - техника районида, базар башқуруш хадимлири билән яймичилиқ қиливатқан ушшақ тиҗарәтчиләр оттурисида қаттиқ тоқунуш йүз берип, сақчиларниң арилишиши нәтиҗисидә бесиқтурулған.

Вәқә, базар башқуруш хадиминиң бир яймичини уруши билән башланған болуп, вәқәгә шаһид амма базар башқуруш хадимини қаттиқ яриландурған. Нәччә миңлиған шәһәр аһалиси вәқә йүз бәргән җайни қоршивалған, нәччә йүзлигән амма җидәлгә арилишип, базар башқуруш идарисиниң аптомобиллирини уруп ‏- чаққан , һәтта от қойған. Истансимизниң телефун арқилиқ игилигән мәлуматидин ашкарилинишичә, қалаймиқанчилиқ нәтиҗисидә бәш саәткә йеқин қатнаш тохтиған болуп, даириләр қораллиқ сақчиларни ишқа селиш арқилиқ вәзийәтни контрол қилған.

Истансимиз мухбири пәйшәнбә күни чуңчиң юқири пән - техника районидики сақчи идарисиға телефун урғанда, қарши тәрәп һәқиқәтән чоң тоқунуш йүз бәргәнликини иқрар қилди. Хәвәрләргә қариғанда , вәқә йүз бәргән җай, муһим қатнаш түгүни болғанлиқи үчүн бир күнгә қәдәр шәһәр қатниши әслигә келәлмигән.

Узундин буян хитайниң һәрқайси җайлирида, хәлқниң һөкүмәт органлириға болған өчмәнлики түпәйлидин , сақчилар билән хәлқ оттурисида һәр хил тоқунушлар йүз бәрмәктә. (Әқидә)