Chungchingda saqchilar bilen amma otturisida toqunush yüz berdi

Yéqinda chungchingning yuqiri pen - téxnika rayonida, bazar bashqurush xadimliri bilen yaymichiliq qiliwatqan ushshaq tijaretchiler otturisida qattiq toqunush yüz bérip, saqchilarning arilishishi netijiside bésiqturulghan.

Weqe, bazar bashqurush xadimining bir yaymichini urushi bilen bashlan'ghan bolup, weqege shahid amma bazar bashqurush xadimini qattiq yarilandurghan. Nechche minglighan sheher ahalisi weqe yüz bergen jayni qorshiwalghan, nechche yüzligen amma jidelge ariliship, bazar bashqurush idarisining aptomobillirini urup ‏- chaqqan , hetta ot qoyghan. Istansimizning téléfun arqiliq igiligen melumatidin ashkarilinishiche, qalaymiqanchiliq netijiside besh sa'etke yéqin qatnash toxtighan bolup, da'iriler qoralliq saqchilarni ishqa sélish arqiliq weziyetni kontrol qilghan.

Istansimiz muxbiri peyshenbe küni chungching yuqiri pen - téxnika rayonidiki saqchi idarisigha téléfun urghanda, qarshi terep heqiqeten chong toqunush yüz bergenlikini iqrar qildi. Xewerlerge qarighanda , weqe yüz bergen jay, muhim qatnash tügüni bolghanliqi üchün bir kün'ge qeder sheher qatnishi eslige kélelmigen.

Uzundin buyan xitayning herqaysi jaylirida, xelqning hökümet organlirigha bolghan öchmenliki tüpeylidin , saqchilar bilen xelq otturisida her xil toqunushlar yüz bermekte. (Eqide)