Xitay ziyaliyliri "xitay esiri" tor bétining taqilishigha naraziliq bildürdi


2006-08-02
Share

Charshenbe küni yüzdin oshuq xitay ziyaliyliri we siyasiy öktichiliri ochuq xet élan qilip, "xitay esiri" tor bétining taqilishigha naraziliq bildürgen hemde hökümettin bu torbetni derhal eslige keltürüshni telep qilghan.

Bu ochuq xet, tyen'enmén oqughuchilar weqesige qatnashqan xitay démokratliridin wang den, lyu shyawbo we shu weqede oghlidin ayrilghan "tiyen'enmén anisi" dep nam alghan ding zilin qatarliqlarning bashchilighida 100 nechche ziyaliyning imza qoyushi bilen élan qilin'ghan bolup, uningda "xitay esiri" tor béti özlikidin toxtap qalghan emes, belki xitay hökümiti teripidin mejburiy buyruq bilen toxtitiwétilgen dep yézilghan.

Ochuq xette bu tor bétining taqilishi keltürüp chiqarghan ziyanlar körsitilip, "xitay esirining taqilishi, xitay chong quruqluqidiki eng axirqi bilim béghini weyran qilghan'gha, hökümet bilen xelq otturisidiki alaqini baghlaydighan yuqiri süpetlik tor sehnisini taqighan'gha we dölet ichi we chet'ellerdiki xitaylarning arisidiki ortaq alaqe yolini üzgen'ge barawerdur" dep körsitilgen.

Xette yene, bu tor betni taqashning xitay asasiy qanunining 35‏- maddisigha xilap ikenlikini, shunga bu tor betni derhal eslige keltürüsh kéreklikini tekitligen. "Xitay esiri" tor béti 2000‏- yili béyjing bilen xitaydiki medeniyet tetqiqat orunliri teripidin qurulghan bolup, uningda jem'iyet, iqtisat, medeniyet we pen-téxnikigha a'it témilardin sirt yene, xelq'ara weziyetni asas qilghan témilar munazire qilinidiken. Bu tor bette erkin sözlen'genliki üchün, bu tézdinla torgha chiqquchilarning alqishigha érishken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet