Xitayning pilanliq tughut siyasitige qarshi chiqquchi qiyin-qistaqqa élindi

Xitayning pilanluq tughut siyasitige izchil qarshiliq bildürüp kiliwatqan shangxeylik ayal maw xingfing xitay da'iriliri teripidin emgek bilen özgertish meydanigha ewetilip, qattiq qiyin qistaqqa élin'ghan.

Bash shtabi niyu-yurktiki "xitay kishilik hoqoq teshkilati"ning bildürishiche, mawxingfing esliy bir ishchi bolup, u 1988 - yili pilandin sirtqi ikkinji balisini zawut da'irilirining qarshiliqigha qarimastin tuqqanliqi üchün, zawuttin heydelgen.

Shundin béri mawxingfing izchil türde "bir baliliq bolush" siyasitige qarshi chiqip, her qaysi derijilik hökümetlerge erz sun'ghan. Netijide u bu yil 4 - ayda shangxey saqchi da'iriliri teripidin qolgha élin'ghan. U, emgek bilen özgertish meydanigha ewetilgendin kiyin, qattiq dümbalinip, qiyin- qistaqqa élin'ghan.

Xitayning pilanliq tughut siyasiti, kishilik hoqoq teshkilatliri teripidin eyiplinip kéliniwatqan mesililerning biri. Chet'ellerdiki Uyghur teshkilatliri, xitay hökümitining Uyghur élida pilanliq tughut siyasitini qattiq qolluq bilen yürgüzüsh jeryanida, ana we balilarning ölimige seweb boliwatqanliqi, nurghun a'ililerge jismaniy , rohiy we iqtisati jehetlerdin eslige keltürgüsiz ziyan-zexmetlerni yetküziwatqanliqini eyiplimekte. (Arzu)