Хоңкоң һөкүмити һамилдар аялларниң хитай чоң қуруқлуқидин хоңкоңға келип йәңгишини чәклиди


2007.01.14

Хитай пуқралириниң хоңкоңға келип туғушидәк әһвалниң күнсайин әвҗ елишиға қарита, хоңкоң алаһидә район мәһкимиси тәдбир елишқа мәҗбур болған болуп, чиқирилған йеңи қанун лайиһиси бойичә буниңдин кейин хоңкоң дохтурханисиниң алдин рухсити болмиған һамилдар аялларниң хитай чоң қуруқлуқидин хоңкоңға өтиши чәклинидикән.

Америка авази радиосиниң хоңкоң җамаәт аманлиқини сақлаш идарисиниң башлиқи ли шавгуаңниң сөзини нәқил кәлтүрүшичә, хитай чоң қуруқлуқидин хоң коңға келип йәңгигүчи аяллар бәш йил җәрянида 19 һәссә көпәйгән болуп, өткән йил бешидин -10 айғичә хитай ичидин җәмий 12 миң еғир аяғ аял хоңкоңға келип бошанған.

Хоңкоңда бошинидиған хитай чоң қуруқлуқ аяллириниң шиддәт билән көпийиши билән хоңкоңдики йәрлик һамилдар аялларниң дохтурханиларда нормал бошиниш һәмдә давалинишиға тәсир йәткүзгән болуп карват һәмдә дохтур йетишмәслик мәсилиси давамлиқ көрүлүватқан болғачқа, бәзи хоңкоң аяллири қиммәт баһалиқ шәхсий дохтурханиларда бошинишқа мәҗбур болмақта икән. Бу йәнә хоңкоңда давалиниш, туралғу һәмдә маарип саһәлиридиму җиддийчилик пәйда қилған. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.