Xongkong hökümiti hamildar ayallarning xitay chong quruqluqidin xongkonggha kélip yenggishini cheklidi

Xitay puqralirining xongkonggha kélip tughushidek ehwalning künsayin ewj élishigha qarita, xongkong alahide rayon mehkimisi tedbir élishqa mejbur bolghan bolup, chiqirilghan yéngi qanun layihisi boyiche buningdin kéyin xongkong doxturxanisining aldin ruxsiti bolmighan hamildar ayallarning xitay chong quruqluqidin xongkonggha ötishi cheklinidiken.

Amérika awazi radi'osining xongkong jama'et amanliqini saqlash idarisining bashliqi li shawgu'angning sözini neqil keltürüshiche, xitay chong quruqluqidin xong konggha kélip yenggigüchi ayallar besh yil jeryanida 19 hesse köpeygen bolup, ötken yil béshidin -10 ayghiche xitay ichidin jem'iy 12 ming éghir ayagh ayal xongkonggha kélip boshan'ghan.

Xongkongda boshinidighan xitay chong quruqluq ayallirining shiddet bilen köpiyishi bilen xongkongdiki yerlik hamildar ayallarning doxturxanilarda normal boshinish hemde dawalinishigha tesir yetküzgen bolup karwat hemde doxtur yétishmeslik mesilisi dawamliq körülüwatqan bolghachqa, bezi xongkong ayalliri qimmet bahaliq shexsiy doxturxanilarda boshinishqa mejbur bolmaqta iken. Bu yene xongkongda dawalinish, turalghu hemde ma'arip saheliridimu jiddiychilik peyda qilghan. (Gülchéhre)