Хитай пиланлиқ туғут комитети қопал шоарларни чәклиди


2007-08-05
Share

Хитай дөләтлик нопус вә пиланлиқ туғут комитети, йеза -кәнтләрдә һөкүмәт даирилири тәрипидин пиланлиқ туғут сияситини иҗра қилишта ишлитиливатқан қопал вә соғуқ шоарларни чәклиди.

Шинхуа агентлиқиниң хәвәр қилишичә, пиланлиқ туғут сияситини иҗра қилишта йеза -кәнт һөкүмәт даирилири тәрипидин ишлитиливатқан " бир бала көпәйди дегәнлик, бир қәбрә көпәйгәнликтур" дегәнгә охшаш шоарларни чәкләп, һөкүмәт даирилири тәрипидин ишлитишкә болудиған 190 шуарниң тезимликини елан қилған.

Хитай һөкүмитниң билдүрүшичә, пиланлиқ туғут сиясити, хитайда аз дегәндә 300 милйон балиниң туғулишиниң алдини алған вә хитайниң иқтисадий тәрәққиятиға муһим һәссә қошқан.

Лекин хитайниң пиланлиқ туғут сияситини тәнқид қиливатқанлар, бу сиясәтниң, мәҗбури бала чүшүрүш, туғмас қиливетиш вә хитайдики әр-аял нопус нисбитидики тәңпуңсизлиқ қатарлиқ җиддий мәсилиләрни кәлтүрүп чиқарғанлиқини, баян қилмақта.

Шинхуа агентлиқиниң хәвәр қилишичә, әгәр, бала чүшүрүш тәлипи рәт қилинса, ойләр өрилиду, калилар мусадирә қилиниду қатарлиқ сүпәтсиз шуарлар, хитай һөкүмитиниң нопусни контрол астида тутуп туруш паалийитигә сәлбий тәсир йәткүзидикән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт