Xitay pilanliq tughut komitéti qopal sho'arlarni cheklidi


2007-08-05
Share

Xitay döletlik nopus we pilanliq tughut komitéti, yéza -kentlerde hökümet da'iriliri teripidin pilanliq tughut siyasitini ijra qilishta ishlitiliwatqan qopal we soghuq sho'arlarni cheklidi.

Shinxu'a agéntliqining xewer qilishiche, pilanliq tughut siyasitini ijra qilishta yéza -kent hökümet da'iriliri teripidin ishlitiliwatqan " bir bala köpeydi dégenlik, bir qebre köpeygenliktur" dégen'ge oxshash sho'arlarni cheklep, hökümet da'iriliri teripidin ishlitishke boludighan 190 shu'arning tézimlikini élan qilghan.

Xitay hökümitning bildürüshiche, pilanliq tughut siyasiti, xitayda az dégende 300 milyon balining tughulishining aldini alghan we xitayning iqtisadiy tereqqiyatigha muhim hesse qoshqan.

Lékin xitayning pilanliq tughut siyasitini tenqid qiliwatqanlar, bu siyasetning, mejburi bala chüshürüsh, tughmas qiliwétish we xitaydiki er-ayal nopus nisbitidiki tengpungsizliq qatarliq jiddiy mesililerni keltürüp chiqarghanliqini, bayan qilmaqta.

Shinxu'a agéntliqining xewer qilishiche, eger, bala chüshürüsh telipi ret qilinsa, oyler örilidu, kalilar musadire qilinidu qatarliq süpetsiz shu'arlar, xitay hökümitining nopusni kontrol astida tutup turush pa'aliyitige selbiy tesir yetküzidiken. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet