Xitay emeldarliri "bir perzentlik tughut siyasiti" ni bikar qilish bisharitini berdi
2008.02.29
Xitay da'iriliri bir perzentlik tughut siyasiti yolgha qoyup 30 yildin kéyin, béyjingdiki yuqiri derijilik emeldarlar bir perzentlik tughut siyasitini bikar qilish éhtimali üstide oylishiwatqanliqini bildürgen. B b s ning xewer qilishiche, döletlik nopus we pilanliq tughut komitétining mu'awin re'isi jaw bey'é, "bir perzentlik siyaset " ni bikar qilish mesilisini estayidil we mes'uliyetchanliq bilen oylishiwatqanliqini" tekitligen. U, muxbirlargha "men buning qachan bikar qilinidighanliqini we konkrét qandaq siyaset yolgha qoyulidighanliqini sözlimeymen. Lékin bu mesile siyaset belgüligüchilerning kün tertipidiki nahayiti muhim mesililerning biri " dep körsitidu.
Jawning eskertishiche, munasiwetlik da'iriler nopus bilen bayliq teqsimatidiki jiddiy munasiwet, xitaydiki nurghun a'ililer "yashlar qérilarni béqish" en'enisidin waz kechse, buning xitay ijtima'iy sughurta séstimisigha élip kélidighan bésimi qatarliqlar üstide tetqiqat élip baridighanliqini bildürdi.
Xitay da'iriliri pilanliq tughut siyasiti yolgha qoyulghan 30 yildin béri, xitayda 4 milyon ademning az tughulghanliqini, eger bir perzentlik tüzüm bikar qilinsa xitay nopusining yene shiddetlik köpiyip kétishidin ensirimekte. Lékin yene bezi mutexessisler bir perzentlik tüzüm netijiside yashan'ghanlarning nisbiti köpiyiwatqanliqini, uning er - ayallar tengpungluqining buzulushigha sewebchi boluwatqanliqini agahlandurmaqta. (Erkin)
Munasiwetlik maqalilar
- Xitay kelgüsi 5 yil ichide nopus tüzümini bikar qilishi mumkin
- Xubéy ölkiside ötken yili 93 ming adem pilanliq tughut siyasitige xilapliq qilghan
- Xitayda baylar we emeldarlar pilandin sirt perzent körmekte
- Yashan'ghanlar nisbitining pewqul'adde yuqiriliqi- xitaygha bésim
- Xitay da'iriliri pilanliq tughut siyasitini izchil kücheytmekte
- Er-ayal nisbitidiki tengpungsizliq, xitay rehberlirini endishlendürmekte
- Xitay pilanliq tughut komitéti qopal sho'arlarni cheklidi
- Xitay hökümiti hamilidar bolghan qiz oqughuchilar aliy mekteplerdin chiqirilishini cheklidi
- Xunen pilanliq tughut qanunigha xilapliq qilghuchilardin 8 hesse örlitip jerimane almaqchi
- Gu'angshida pilanliq tughut toqunushi peyda qilghan emeldarlarni sotlash üchün adwokatlar heqsiz mulazimetke teyyar
- Gu'angshi ölkiside yüz bergen pilanliq tughutqa qarshi topilang téxi tinjimidi