Xitay, türkiye bilen bolghan herbiy hemkarliqni kücheytishni ümid qildi


2005.04.04
Share on WhatsApp
Share on WhatsApp

Xitay azadliq armiyisining bash shitab qomandani lyang gu'anglyé düshenbe küni béyjingda türkiye hawa armiye qomandani général polkownik ibrahim firtinaning ziyaritini qobul qilghanda, xitay hökümitining türkiye bilen bolghan herbiy hemkarliqni kücheytishni xalaydighanliqini bildürdi.

Lyang gu'anglyé sözide yene, xitay hökümitining türkiye armiyisi bilen bolghan munasiwetni kücheytish üchün aktip qedemlerni bésip kelgenlikini, shundaqla ikki terep armiyisi otturisidiki munasiwetning buningdin kéyin yéngi bir basquchqa kötürülishige ishinidighanliqini bildürdi.

Général ibrahim firtina, ikki terepning herbiy jehettiki hemkarliqining körünerlik ilgirlesh hasil qilishini ümid qilidighanliqini bildürüsh bilen teng, türkiye hökümitining "bir junggo" prinsipida ching turidighanliqini izhar qilghan.

Géniral firtina yene, türkiyining yer yüzide sün'iy hemrah ponkiti qurush, sun'iy hemrah qoyup bérish we herbiy telim-terbiye saheliride xitay bilen hemkarlishishni xalaydighanliqini bildürgen.

Türkiye hawa armiye qomandani ibrahim firtina yekshenbe küni xitaygha yétip kelgen bolup, u yene, xitay azadliq armiyisining hawa armiye qomandani chyaw chingchén bilenmu körüshken. Uning xitaydiki ziyariti taki 4 - ayning 7 - künigiche dawamlishidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet