Xitay türkmenistan bilen teb'iy gaz kélishimi imzalidi


2006-04-03
Share

Xitay dölet re'isi xu jintaw düshenbe küni xitayni ziyaret qiliwatqan türkmenistan prézidénti seper murad niyazof bilen xitaygha teb'iy gaz sétish we xitay - türkmenistan arisida gaz turubisi yatquzush mesilisi boyiche kélishim imzalidi. Lékin her ikkila terep kélishimning konkrét mezmunini ashkarilimidi.

Ikki dölet rehbiri otturisida imzalan'ghan kélishim " turuba yatquzush boyiche omumi kélishim " dep atalghan. Bu kélishim türkmenistandin xitaygha tebi'iy gaz import qilish mezmunlirini öz ichige alidu. Xitay da'iriliri yéqinqi yillardin béri rusiye, qazaqistan qatarliq qoshna ellerdin teb'iy gaz we néfit sétiwélish, turuba yatquzush qatarliq hemkarliq türlirige köplep meblegh sélish arzusini ipadilimekte.

Közetküchilerning qarishiche, béyjing da'iriliri déngiz arqiliq néfit we teb'iy gaz yötkeshke qarighanda quruqluq arqiliq turubida yötkeshni téximu bixeter, dep qarimaqta iken. Qazaqistan ötken yili Uyghur aptonom rayonigha tutishidighan néfit turuba yolini yasidi. Ötken ayda rusiye prézidénti wladimir putin sibiriyidin xitaygha tutishidighan néfit - teb'iy gaz turubisi yatquzidighanliqini jakarlighan.

Xu jintaw düshenbe küni niyazofni xelq sariyida kütüwaldi. Ikki dölet teb'iy gaz kélishimi imzalash bilen birge türkmenistanni qerz pul bilen teminlesh kélishimige imza qoyghan. Bolupmu térrorchiliq we diniy esebiylikke qarshi turush toghrisida wediname imzalap, diniy esebiylikke qarshi turush mesiliside ortaq chüshenchige ige ikenlikini tekitlidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet