10 Yil ichide 40 ming kishi xitay türmiliridin aqlinip qoyup bérilgen

Yekshenbe küni xitay aliy sotining qanun tetqiqat xadimining xitay merkizi téléwiziye muxbirigha ashkarlishiche, 1996 - yilidin 2006 - yilighiche bolghan 10 yil ichide, xitayning her qaysi ölke hem sheherliride qolgha élin'ghan jem'iy 40 mingdin köprek kishi aqlinip qoyup bérilgen.

2006 - Yili jinayet gumandari dep resmiy qolgha élin'ghan jem'iy 1713 kishige qanun tarmaqliri "gunahsiz" dep höküm qilip qoyup bergen.

Mezkur xadimning bildürüshiche, gerche xitayda 1997 - yilidin bashlap jinayetchilerning jinayi jazasini békitishte sot orunliri jinayet ötküzgenlerge qanun boyiche höküm élan qilish, bigunahliqi ispatlan'ghanlarni qoyup bérish prinsipi boyiche ish körüsh üchün tirishiwatqan bolsimu buni ishqa ashurush yenila intayin müshkül bir jeryan bolmaqta iken.

Xitayda siyaset qanundin üstün orunda bolghachqa, qanunning ijra qilinishi adil bolmay kelmekte bolupmu siyasiy jinayet bilen qolgha élin'ghanlarning qanuniy hoquqlirigha kapaletlik qilish téximu mumkin emes. Xitay hökümiti özining arzulirini tinchliq yoli bilen ipade qilghan Uyghurlarnimu bigunah türmilerge almaqta. -1997Yili -5 féwral ili weqesi jeryanida nechche ming Uyghur yashliri xitay da'irliri teripidin bigunah qolgha, bir qisimlirigha ölüm jazasi bérilgendin sirt köpinchisi hazirghiche türmilerde yatmaqta. (Gülchéhre)