Xitay saqchiliri béyjingdiki erz sun'ghuchilarni tutqun qildi

Xitay saqchiliri peyshenbe küni béyjingdiki merkizi kompartiye mektipige yighin'gha kelgen xitay rehberlirige erz éytmaqchi bolghan bir qisim kishilerni tutqun qildi.

Fransiye axbarat agéntliqining öyidin mejburiy köchürülgen bir erzdarning sözini neqil keltürishiche, texminen ondek kishi öz derdini éytish üchün, seyshenbe küni merkizi kompartiye mektipige kirishke temshelginide, saqchilar ularni tutup kétip, qisqa waqittin kiyin qoyup bergen.

Erzdarlar charshenbe we peyshenbe künliri yene merkizi kompartiye mektipining aldigha barghinida, saqchilar ularni mashinigha bésip, etraptiki saqchixanigha élip ketken.

Xewerde iytilishiche, buning aldida xitay dölet re'isi xu jintaw hökümet ezaliri we kompartiye ezalirigha, jem'iyettiki ijtima'iy guruppilar otturisidiki ziddiyetni tengsheshning muhimliqini tekitlep, xitayda bir parawan jem'iyet qurup chiqidighanliqini körsetken. Buni téléwizordin anglighan yuqiriqi erzdarlar, öz derdini xitay rehberlirige tökidighan purset yitip keldi dep qarap, xitay merkizi kompartiye mektipige bérip erz sunushni toghra tapqan. Emma ular derdlirini anglitidighan birermu yochuq tapalmighan. (Arzu)