Хитай бир нәпәр америкилиқ кишилик һоқуқ паалийәтчисини тутуп сорақ қилған


2005.04.13
Share on WhatsApp
Share on WhatsApp

Хитай һөкүмити чаршәнбә күни бир нәпәр америкилиқ кишилик һоқуқ паалийәтчисини бейҗиңда тутуп сораққа тартқан. Шундақла ахири униңға, паспортини елип йүрмигәнлики сәвәбидин җәриманә қойған.

Кишилик һоқуқ паалийәтчиси адам бриско америкидики дөләтлик демократийини илгири сүрүш фонди җәмийитиниң ярдими билән хитайдики бир һөкүмәтсиз кишилик һоқуқ тәшкилатиниң тәтқиқат ишлириға ярдәмлишиватқан икән.

Франсийә агентлиқиниң хәвиригә қариғанда, сақчилар адам брискони чаршәнбә күни мәзкур һөкүмәтсиз кишилик һоқуқ тәшкилатиниң бейҗиңдики ишханисидин тутуп кәткән һәмдә уни хитайда қиливатқан ишлири тоғрисида сораққа тартқан.

Хитай сақчилири йәнә униң паспортини чиқиришини тәләп қилған, адам паспортиниң өйдә икәнликини ейтқанда, сақчилар шу заман униң өйигә берип ахтурған һәмдә униң паспортини йенида елип йүрмигәнликини сәвәб қилип, 500 юән җәриманә қойған.

Хәвәрдә мәлум болушичә, хитайдики бу һөкүмәтсиз кишилик һоқуқ тәшкилатида адам брискодин сирт йәнә икки нәпәр чәтәллик ишләйдикән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.