Xitay bir neper amérikiliq kishilik hoquq pa'aliyetchisini tutup soraq qilghan


2005.04.13
Share on WhatsApp
Share on WhatsApp

Xitay hökümiti charshenbe küni bir neper amérikiliq kishilik hoquq pa'aliyetchisini béyjingda tutup soraqqa tartqan. Shundaqla axiri uninggha, pasportini élip yürmigenliki sewebidin jerimane qoyghan.

Kishilik hoquq pa'aliyetchisi adam brisko amérikidiki döletlik démokratiyini ilgiri sürüsh fondi jem'iyitining yardimi bilen xitaydiki bir hökümetsiz kishilik hoquq teshkilatining tetqiqat ishlirigha yardemlishiwatqan iken.

Fransiye agéntliqining xewirige qarighanda, saqchilar adam briskoni charshenbe küni mezkur hökümetsiz kishilik hoquq teshkilatining béyjingdiki ishxanisidin tutup ketken hemde uni xitayda qiliwatqan ishliri toghrisida soraqqa tartqan.

Xitay saqchiliri yene uning pasportini chiqirishini telep qilghan, adam pasportining öyde ikenlikini éytqanda, saqchilar shu zaman uning öyige bérip axturghan hemde uning pasportini yénida élip yürmigenlikini seweb qilip, 500 yu'en jerimane qoyghan.

Xewerde melum bolushiche, xitaydiki bu hökümetsiz kishilik hoquq teshkilatida adam briskodin sirt yene ikki neper chet'ellik ishleydiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.