Шаңхәй даирилири японийигә қарши намайиш өткүзгән 42 кишини тутти
2005.04.26
Хитай һөкүмити шаңхәйдә йеқинда японийигә қарши намайиш өткүзгән кишиләрдин 42 ни тутуп, уларниң 16 сини " җәмийәт тәртипини бузуш" җинайити билән рәсмий қолға алди.
Америка бирләшмә ахбарат агентлиқиниң хәвиригә қариғанда, тутулғанларниң бир қанчиси шаңхәй телевизийә истансисиниң хәвиридики филимдә әнгә елинип, салаһийити ениқланған. Филимдә бир қисим кишиләрниң намайиш җәрянида японийиниң шаңхәйдики консулханисиға ботулка атқанлиқи һәмдә бир япон рестураниниң әйникини чаққанлиқи көрситилгән.
Хитай мәтбуатлири бу һәқтики хәвиридә, японийигә қарши намайишларни әйиблимигән, пәқәт зораванлиқ вә җәмийәт тәртипини бузуш қилмишлириға йол қоюлмайдиғанлиқини тәкитлигән.
Хитайдики японийигә қарши кәң көләмлик наразилиқ намайишлири, японийә йеңи тарих дәрслик китабини тәстиқлиғандин кийин йүз бәргән иди. Хитай даирилири японийиниң тарих дәрсликидә японийә әскәрлириниң иккинчи дуня урушидики қилмишлири "гүзәлләштүрүлгән" дәп қариған һәмдә дәсләптә бу намайишларға йол қойған. Бирақ өткән һәптидин башлап, хитай җамаәт хәвпсизлик министирлиқи тәдбир қоллинип, японийигә қарши кәң көләмлик намайишларниң алдини алмақта.
Хәвәргә қариғанда, хитай һөкүмити йәнә " 1 - май әмгәкчиләр байрими" мунасивити билән японийигә қарши намайиш өткүзүшкә чақириқ қилған хитайдики бир қанчә тор бәтлирини тақиған. (Арзу)
Мунасивәтлик мақалилар
- Хитай- японийә мунасивитиниң пат арида әслигә келиши мөлчәрләнмәктә
- японийә ташқи ишлар министириниң хитайдики зиярити нәтиҗисиз ахирлашти
- Хитай һөкүмити пуқралирини қанунсиз намайиш өткүзмәсликкә агаһландурди
- Әрз сунғучилар, давамлиқ түрдә бейҗиңға кәлмәктә
- Бейҗиңда сақчилар җим олтурувалған әрз - шикайәтчиләрни қолға алди