Хитай йәттә нәпәр йәр асти католик попини тутқун қилди

Хитай һөкүмити йеқинда хебейдики йәттә нәпәр католик диний попини " қанунсиз диний паалийәтләргә қатнишиш җинайити" билән тутти.

Америкидики бир католик диний тәшкилатиниң ашкарилишичә, нәччә онлиған җамаәт хәвпсизлик вә дөләт бихәтәрлик хадимлири чаршәнбә күни хебей өлкисиниң мәркизи шиҗяҗуаңниң әтрапидики бир кәнткә келип, у йәрдики бир йәр асти черкавида йиғилиш қиливатқан йәттә попни тутуп кәткән.

Мәзкур тәшкилатниң билдүрүшичә, хитай һөкүмитиниң бу қилмиши, униң ватикан һөкүмити билән мунасивитини яхшилаш нийитиниң йоқлиқини ипадиләйдикән. Хитай һөкүмити техи бир нәччә күн илгирила ватиканниң йеңи папаси бәнәдикит 16 билән мунасивитини яхшилашни үмид қилидиғанлиқини билдүргән иди.

Хитай һөкүмити рим папасиниң һоқуқини етирап қилмайдиған болуп, бу сәвәбтин рим папасиға чоқунидиған католик муритлирини қолға елип, уларниң паалийәтлирини чәкләйду. Мәлуматларға қариғанда, хитайда рим католик диниға етиқад қилидиған йәр асти черкавиниң әзаси нәччә милйонға йетидикән. (Арзу)