Сингапор мухбири хитайда қолға елинди


2005.05.31
Share on WhatsApp
Share on WhatsApp

Сингапорда чиқидиған енглизчә "боғаз вақти гезити" ниң хитайда турушлуқ мухбири чиң чоң, хитай дөләт бихәтәрлик даирилири тәрипидин қолға елинди.

Бирләшмә ахбарат агентлиқиниң хәвәр қилишичә, мәхпий сақчилар чиң чоңни дөләт мәхпийәтликини оғурлиған, дигән җинайәт билән 4 - айниң 22 - күни гуаңҗувда қолға алған. У, хитай компартийисиниң баш секритари җав зияңниң һаят чеғидики ағиниси зоң феңмиңниң җав зияң билән өткүзгән мәхпий сөһбәт хатирисини тапшурувалған икән. Зоң феңмиң, җав зийтаңниң һаят вақтидики йеқин достлириниң бири.

Хитай һөкүмити зоң феңмиңниң җав зияң билән өткүзгән сөһбәт хатирисини нәшр қилишқа рухсәт қилмиғандин кейин, у мәзкур әслимини сингапордики " боғаз вақти гезити" дә елан қилмақчи болған. Зоң феңмиң хитай даирилирини тарихқа һөрмәт қилишқа чақирип, " җав зияң тарихий бир шәхс," дәп көрсәтти.

Ройтерс ахбарат агентлиқиниң хәвәр қилишичә, "боғаз вақти гезити" ниң мухбири қолға чүшүргән җав зияң һәққидики әслиминиң мәзмуни, зоң феңмиңниң нәзәрбәнттики җав зияң билән өткүзгән сөһбәт хатирисини асас қилған. Бу җав зияңниң 4 - июн вәқәсигә даир қарашлирини өз ичигә алидикән.

Хитай ташқи ишлар министирлиқиниң баянатчисси коңчүән, чиң чоңниң пакитлар билән қолға чүшкәнликини елан қилған. Әмма мәркизи ню - йорктики "мухбирларни қоғдаш комитети", хитайни йеқинқи 6 йил ичидә дуня бойичә мухбирларни әң көп тутқун қилған дөләт, дәп әйиплиди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.