Sin'gapor muxbiri xitayda qolgha élindi


2005.05.31
Share on WhatsApp
Share on WhatsApp

Sin'gaporda chiqidighan én'glizche "boghaz waqti géziti" ning xitayda turushluq muxbiri ching chong, xitay dölet bixeterlik da'iriliri teripidin qolgha élindi.

Birleshme axbarat agéntliqining xewer qilishiche, mexpiy saqchilar ching chongni dölet mexpiyetlikini oghurlighan, digen jinayet bilen 4 - ayning 22 - küni gu'angjuwda qolgha alghan. U, xitay kompartiyisining bash sékritari jaw ziyangning hayat chéghidiki aghinisi zong féngmingning jaw ziyang bilen ötküzgen mexpiy söhbet xatirisini tapshuruwalghan iken. Zong féngming, jaw ziytangning hayat waqtidiki yéqin dostlirining biri.

Xitay hökümiti zong féngmingning jaw ziyang bilen ötküzgen söhbet xatirisini neshr qilishqa ruxset qilmighandin kéyin, u mezkur eslimini sin'gapordiki " boghaz waqti géziti" de élan qilmaqchi bolghan. Zong féngming xitay da'irilirini tarixqa hörmet qilishqa chaqirip, " jaw ziyang tarixiy bir shexs," dep körsetti.

Roytérs axbarat agéntliqining xewer qilishiche, "boghaz waqti géziti" ning muxbiri qolgha chüshürgen jaw ziyang heqqidiki eslimining mezmuni, zong féngmingning nezerbenttiki jaw ziyang bilen ötküzgen söhbet xatirisini asas qilghan. Bu jaw ziyangning 4 - iyun weqesige da'ir qarashlirini öz ichige alidiken.

Xitay tashqi ishlar ministirliqining bayanatchissi kongchüen, ching chongning pakitlar bilen qolgha chüshkenlikini élan qilghan. Emma merkizi nyu - yorktiki "muxbirlarni qoghdash komitéti", xitayni yéqinqi 6 yil ichide dunya boyiche muxbirlarni eng köp tutqun qilghan dölet, dep eyiplidi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.