Xitay dölet bayrimining harpisida, béyjingda tazilash élip barmaqta

Bash shtabi amérikidiki "xitay kishilik hoquq teshkilati" ning peyshenbe küni ashkarilishiche, xitay hökümiti 1 - öktebir dölet bayrimining harpisida, béyjingda keng kölemde erz sun'ghuchilarni tutqun qilip tazilash herikiti élip barmaqta.

Mezkur teshkilatning bildürüshiche, béyjing saqchi da'iriliri bir nechche küni ilgiri shangxeydin béyjinggha erz sun'ghili kelgen 100 din artuq kishini tutup, yurtigha mejburiy qayturiwetken. Ularning ichide qéri- chöre we ajizlarmu bar iken.

Buningdin sirt, saqchilar charshenbe küni yene béyjing gherbiy poyiz istansisining yénidiki erzdarlar kentini tuyuqsiz tekshürüp, erzdarlarni yurtlirigha mejburiy qayturghan. Ehwaldin xewerdar kishilerning éytishiche, bu xitay da'irilirining 1 - öktebirdin burunqi "chong tazilash" herikitining bir qismi bolup, saqchilar mushu bir ikki kün ichide yene béyjingdiki her qaysi méhmanxanilarni tekshüridiken.

"Xitay kishilik hoquq teshkilati" xitay hökümitining bayram harpisida erzdarlarni mejburiy qayturghan bu xil qanunsiz qilmishini qattiq eyiblidi. Emma béyjing saqchi da'iriliri bu heqte ipade bildürüshni ret qildi. (Arzu)