Xitay hökümiti dungju yézisida yüz bergen weqeni teshkilligen dep üch kishini qolgha aldi


2005.12.19

Xitay hökümiti 19 - dikabir küni gwangdung ölkisi dungju yézisida élip bérilighan namayishni qozghighan dep eyiblep üch kishini qolghan aldi.

Köpchilikke melum bolghandek, ötken hepte, hökümetning éléktir istansisi qurush pilanigha qarshi namayish ötküzgen dungju yéza ahalisi bilen xitay saqchiliri otturisida yüzbergen toqunushta, üch namayishchi xitay saqchiliri teripidin étip öltürülgen idi. Lékin yéza xelqi az dégende 9 kishining saqchilar teripidin tutulghanliqini we 6 - dékabir künidiki weqede 30 etrapida kishining öltürülgenlikini bildürmekte.

Xewerlerge qarighanda, bu weqe xitay bixeterlik qisimlirining 1989 - yili tyen'enmin meydanida élip barghan basturush herikitidin kéyin, xitay ichide élip barghan eng qanliq basturush herikiti hésablinidiken.

Fransiye agéntliqining xewer qilishiche, dungju yézisi xelqi, hökümetning yéza ahalisidin üch kishining namayishni teshkilligen dep tutup kétishige qattiq naraziliq bildürüp, bu üch kishining dungju we uning etrapidiki yézilarda yashaydighan 20, 30 ming kishining iradisige wekillik qilidighanliqini tekitligen. Yéza xelqi shundaqla hökümetning 6 - dékabirdiki weqe ge chétishliq dep yene nurghun kishilerni qolgha élishidin endishe qilidighanliqini bildürgen.

Xitay hökümiti yekshenbe küni, kishilik hoquq teshkilatliri we pa'aliyetchilirining bésimi netijiside, 6 - dékabir künidiki weqede xitay saqchiliri teripidin öltürülgen üch kishining isimlirini élan qilip, yéza xelqining teleplirini orundaydighanliqini bildürgen idi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.