Хитайда икки йиғин мәзгилидә 400 дин артуқ адәм қолға елинди

Франсийә агентлиқиниң 2 ‏- март күни бәргән хәвиригә қариғанда, хитай сақчилири 400 дин артуқ давагәрни қолға алған.

Хитайниң мәмликәтлик хәлқ қурултийи билән сиясий кеңәш йиғини ечиливатқан бир пәйттә, бейҗиң сақчилири бир қанчә күн, бейҗиң җәнубий вогзалиға йеқин җайдики мәшһур болған давагәрләр кәнтидә туюқсиз ахтуруш һәрикити елип берип, бейҗиңға әрз қилиш үчүн кәлгән 400 дин артуқ адәмни тутқун қилған.

Нәқ мәйданни көргүчиләрниң ейтишичә, сақчилар бу кишиләрни 7 ‏- 8 аптомобилға селип елип кәткән.

Һәр йили хитайниң мәмликәтлик хәлқ қурултийи билән сиясий кеңәш йиғини мәзгилидә, хитайниң башқа өлкилиридин кәлгән давагәрләр қолға елиниш яки өзлири кәлгән җайға қайтурулуштәк бесимларға дуч келиду.

Мәзкүр давагәрләр асасән, туралғу земинлирини йәрлик һөкүмәтниң игиливелиши яки завут, карханиларниң аз пул билән тартивилиши шуниңдәк ишсизлиққа охшаш хитайда әң көп учрайдиған һәқсизликләргә чидимастин һөкүмәтниң адил бир тәрәп қилип беришини илтимас қилип, өз әрзини билдүрүш үчүн бейҗиңға кәлгән . Әмма әдилийә хадимлири давагәрләрниң дәрдини аңлимаситинла , уларни қамап қоюш, уруп‏ - хорлаш вә кәлгән җайлириға ялап елип кетиштәк һәрикәтләрни елип бариду.

Өткән йили мушу мәзгилдә , хитай һөкүмити 440 давгәрни тутқун қилип, аз дегәндә 100 кишини қаттиқ уруп яриландурған иди. (Әқидә)