Xitayda ikki yighin mezgilide 400 din artuq adem qolgha élindi

Fransiye agéntliqining 2 ‏- mart küni bergen xewirige qarighanda, xitay saqchiliri 400 din artuq dawagerni qolgha alghan.

Xitayning memliketlik xelq qurultiyi bilen siyasiy kéngesh yighini échiliwatqan bir peytte, béyjing saqchiliri bir qanche kün, béyjing jenubiy wogzaligha yéqin jaydiki meshhur bolghan dawagerler kentide tuyuqsiz axturush herikiti élip bérip, béyjinggha erz qilish üchün kelgen 400 din artuq ademni tutqun qilghan.

Neq meydanni körgüchilerning éytishiche, saqchilar bu kishilerni 7 ‏- 8 aptomobilgha sélip élip ketken.

Her yili xitayning memliketlik xelq qurultiyi bilen siyasiy kéngesh yighini mezgilide, xitayning bashqa ölkiliridin kelgen dawagerler qolgha élinish yaki özliri kelgen jaygha qayturulushtek bésimlargha duch kélidu.

Mezkür dawagerler asasen, turalghu zéminlirini yerlik hökümetning igiliwélishi yaki zawut, karxanilarning az pul bilen tartiwilishi shuningdek ishsizliqqa oxshash xitayda eng köp uchraydighan heqsizliklerge chidimastin hökümetning adil bir terep qilip bérishini iltimas qilip, öz erzini bildürüsh üchün béyjinggha kelgen . Emma ediliye xadimliri dawagerlerning derdini anglimasitinla , ularni qamap qoyush, urup‏ - xorlash we kelgen jaylirigha yalap élip kétishtek heriketlerni élip baridu.

Ötken yili mushu mezgilde , xitay hökümiti 440 dawgerni tutqun qilip, az dégende 100 kishini qattiq urup yarilandurghan idi. (Eqide)