Naraziliq bildürgen ishchilar xitay saqchiliri teripidin tutqun qilindi


2006.08.02
Share on WhatsApp
Share on WhatsApp

Ma'ashining töwen bolushi we ish shara'itining nacharliqi sewebidin naraziliq bildürgen gu'angdungdiki melum bir zawut ishchiliri bilen saqchilar arisida toqunush yüz bérip, netijide saqchilar 7 ishchini tutup ketken hemde toqunushta bir ishchi éghir yarilan'ghan.

Nyu-yorktiki xitay emgekchiler közitish teshkilatining bildürüshiche, gu'angdungning dunggu'en shehiridiki bu oyunchuq yasash zawuti xongkongdiki mérton cheklik shirkitige tewe bolup, mezkur shirket roytérs agéntliqigha heqiqeten bu weqening yüz bergenlikini, shundaqla ularning hazir bu ehwal üstidin tekshürüsh élip bériwatqanliqini bildürgen.

Bu oyunchuq yasash zawutida 11000 ishchi ishleydighan bolup, ular amérikidiki makdonalds, mattél we disnéygha oxshash bir qanche chong shirketlerni bu oyunchuqlar bilen teminleydiken. Emma yuqiridiki shirketler téxi bu heqte inkas qayturushni ret qildi.

Xitay emgekchiler közitish teshkilati, mezkur zawuttiki ishchilarning xélidin béri, ma'ashining töwen bolushi we zawut shara'itining nacharliqi sewebidin zawut rehberlirige erz sun'ghan hetta namayishlarnimu orunlashturghan iken. Emma hemmila qétimda bu ishqa saqchilar ariliship, hetta bezilirini urup yarilandurghan.

Xitay zawutliridiki ma'ashi töwen we shara'iti nachar bolush ehwali hemde shuninggha oxshash ishchilarni mejburiy artuq ishlitish mesililiri yéqinqi yillardin buyan barghanséri kishilerning déqqitini tartidighan mesilige aylinip qaldi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet