Xitay yene ikki neper öktichini qolgha aldi


2006.10.19

Yene ikki neper xitay öktichisi " dölet hakimiyitini aghdurushqa urun'ghan " dégen jinayet bilen eyiblinip xitay da'iriliri teripidin qolgha élindi.

Chéng shuching we jang jenxung isimlik bu ikki kishi ötken ay qolgha élin'ghan bolup, ular éntérnét tor betliride maqale élan qilip,gaw jimoning gunahsiz ikenlikini terghip qilghan .

Fransiye agéntliqining peyshenbe küni bergen xewirige qarighanda, bu weqe yüz bérishtin ilgiri xelq'ara kishilik hoquq teshkilatliri, kishilik hoquqni terghip qilghuchi adwokat gaw jimoning türmidin derhal qoyup bérilishini telep qilghan idi. Hökümet, bu ikki neper maqale yazghuchining herikitini " dölet hakimyitini aghdurushqa urun'ghan"liq dep eyiblep, ularni qolgha alghan. Biraq ularning qanchilik qamaq jazasigha uchrighanliqi heqqide héchqandaq melumat yoq iken.

Xitayda, hökümetke naraziliq bildürüp, öz pikirini bayan qilish sewebidin qolgha élin'ghan , emma ashkarilanmighan mehbuslar sani intayin köp.

Xitay kishilerning metbu'at erkinlikini boghush qilmishi bilen, xelq'ara kishilik hoquq teshkilatliri teripidin izchil türde eyiblinip kelmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.