Бейҗиңдики демократ ваң гочи қайта қолға елинди

Бейҗиңдики демократ ваң гочи шәнбә күни, сақчилар тәрипидин қолға елинди. Ваң гочиниң аилә тавабатлири шәнбә күни истансимизға телефун уруп, ваң гочиниң 2 ‏- айниң 8 ‏- күни бейҗиң хәйдиң райони, вәншоши сақчиханиси тәрипидин қолға елинип, та һазирғичә қоюп берилмигәнликини билдүрди.

Ваң гочиниң аилисидикиләр, бейҗиңдики алақидар орунлардин униң тезрақ қоюп берилишини һәмдә дуня җамаәтчиликиниң бу ишқа йеқиндин көңүл бөлүшини тәләп қилған.

Ваң гочи, 1992 ‏- йили " җоңгу демократийә әркинлик партийиси" ни қурған һәмдә 4 ‏- июл вәқәсиниң 3 йиллиқини хатирлигәнлик сәвәплиридин һөкүмәт тәрипидин қолға елинған иди. 1994 ‏- Йили бейҗиң оттура хәлқ сот мәһкимиси, уни "әксил инқилабий тәшкилат қурған" дегән җинайәт билән әйибләп, униңға 11ллиқ қамақ җазаси бәргән.

Ваңгучи 2003 ‏- йили түрмидин қоюп берилгән болсиму, даириләр тәрипидин назарат астиға елинип, пүтүн әркинликтин мәһрум қилинған. Униң хизмәт қилиши чәкләнгән вә һәтта нопусқа алдуруш илтимасиму рәт қилинип, қара нопус һаләттә яшиған.

Күзәткүчиләр, бейҗиңда өткүзилидиған олимпик тәнтәрбийә мурасими ечилиштин бурун, бейҗиңдики өктичиләрниң бир - бирләп назарәт астиға қә қайта қолға елишқа учраватқанлиқини билдүрмәктә. (Әқидә)